Ֆամոտիդին դեղահաբ 20մգ №20

Կիրառում Ֆամոտիդինը կիրառվում է հետևյալ վիճակների դեպքում. - Ստամոքսի և տասներկումատնյա աղիքի խոցային հիվանդություն՝ սրացման փուլում: - Ախտանշանային խոցեր: - Էրոզիվ գաստրոդուոդենիտ:ս - Դիսպեպսիա՝ կապված ստամոքսի սեկրետոր ֆունկցիայի բարձրացման հետ (ներառյալ այրոցը, թթու փորկապությունը): - Ռեֆլյուքս-էզոֆագիտ: - Զոլինգեր-Էլիսոնի համախտանիշ: - Խոցային հիվանդության կրկնությունների կանխարգելում: - Ստամոքսի հյութի ասպիրացիայի կանխարգելում ընդհանուր անզգայացման ժամանակ (Մենդելսոնի համախտանիշ): Ինչպես ընդունել Դեղամիջոցն ընդունում են ներքին, չծամելով, բավարար քանակությամբ ջրով: - Ստամոքսի և տասներկումատնյա աղիքի խոցային հիվանդության սրացման փուլում, ախտանշանային խոցերի, էրոզիվ գաստրոդուոդենիտի դեպքում. սովորաբար նշանակում են 20 մգ օրական 2 անգամ կամ 40 մգ օրական 1 անգամ՝ գիշերը: Անհրաժեշտության դեպքում օրական դոզան կարող է ավելացվել մինչև 80-160 մգ: Բուժման կուրսը կազմում է 4-8 շաբաթ: - Դիսպեպսիայի դեպքում, կապված ստամոքսի սեկրետոր ֆունկցիայի բարձրացման հետ. նշանակում են 20 մգ օրական 1-2 անգամ: - Խոցային հիվանդության կրկնությունների կանխարգելման նպատակով. նշանակում են 20 մգ օրական 1 անգամ՝ քնելուց առաջ: - Ռեֆլյուքս-էզոֆագիտի դեպքում. 20-40 մգ օրական 2 անգամ՝ 6-12 շաբաթվա ընթացքում: - Զոլինգեր-Էլիսոնի համախտանիշի դեպքում. դեղամիջոցի դոզան և բուժման տևողությունը սահմանվում են անհատապես: Սկզբնական դոզան սովորաբար կազմում է 20 մգ յուրաքանչյուր 6 ժամը մեկ և կարող է ավելացվել մինչև 160 մգ յուրաքանչյուր 6 ժամը մեկ: - Ստամոքսի հյութի ասպիրացիայի կանխարգելման համար ընդհանուր անզգայացման ժամանակ. նշանակում են 40 մգ երեկոյան և/կամ առավոտյան՝ վիրահատությունից առաջ: - Երիկամների ֆունկցիայի խանգարումներով հիվանդներին (կրեատինինի քլիրենսը 30 մլ/րոպեից ցածր է). օրական դոզան նվազեցվում է մինչև 20 մգ: Հակացուցումներ - Հղիություն: - Կրծքով կերակրման շրջան (լակտացիա): - Մանկական տարիք: - Բարձր զգայունություն դեղամիջոցի բաղադրիչների նկատմամբ: - Լյարդի ցիռոզ՝ լյարդային էնցեֆալոպաթիայով: Պահպանման պայմաններ Չոր, լույսից պաշտպանված տեղում, ոչ բարձր քան 25 աստիճան C ջերմաստիճանում: