Դիկլոբերլ սրվակ 75մգ/3մլ №5

Կիրառում Դիկլոբերլ N 75-ը ցուցված է սուր ուժեղ ցավի սիմպտոմատիկ բուժման համար, որն ուղեկցում է. - սուր արթրիտը (ներառյալ հոդատապի նոպան); - քրոնիկ արթրիտը, մասնավորապես ռևմատոիդ արթրիտը (քրոնիկ պոլիարթրիտ); - անկիլոզացնող սպոնդիլիտը (Բեխտերևի հիվանդություն) և ողնաշարի այլ ռևմատիկ բորբոքային հիվանդություններ; - հոդերի և ողնաշարի դեգեներատիվ հիվանդությունների (արթրոզ և սպոնդիլոարթրոզ) դեպքում առաջացած գրգռվածության երևույթները; - փափուկ հյուսվածքների ռևմատիկ բորբոքային հիվանդությունները; - այտուցները կամ հետվնասվածքային բորբոքումը ցավային համախտանիշով: Ներարկման լուծույթը կիրառվում է այն դեպքերում, երբ անհրաժեշտ է հատկապես արագ ազդեցություն, ինչպես նաև, եթե ներքին ընդունումը կամ մոմիկների տեսքով ներմուծումը հնարավոր չեն: Նման դեպքերում, որպես կանոն, բուժումը խորհուրդ է տրվում իրականացնել միայն մեկանգամյա ներարկման տեսքով՝ որպես սկզբնական թերապիայի մաս: Ինչպես ընդունել Դիկլոբերլ N 75-ը ներարկվում է ներմկանային ճանապարհով: Սովորաբար ներարկվում է 1 ամպուլա (75 մգ) օրը 1-2 անգամ՝ 2-5 օրվա ընթացքում: Առավելագույն օրական դոզան կազմում է 150 մգ: Դեղամիջոցի կիրառման տևողությունը որոշում է բուժող բժիշկը: Հակացուցումներ Դիկլոբերլ N 75 դեղամիջոցը հակացուցված է հետևյալ դեպքերում. - գերզգայունություն դիկլոֆենակի կամ դեղամիջոցի ցանկացած այլ բաղադրիչի նկատմամբ; - արյունաստեղծման խանգարումներ՝ անհայտ էթիոլոգիայի; - ստամոքսի և տասներկումատնյա աղիքի խոց; - ինդուկցված պորֆիրիաներ; - բրոնխիալ ասթմա; - ինչպես նաև մանկական և պատանեկան տարիքում (մինչև 18 տարեկան): Նաև հակացուցված է կիրառումը, եթե նախկինում ացետիլսալիցիլաթթվի կամ այլ ոչ ստերոիդային հակաբորբոքային միջոցների օգտագործումից հետո դիտվել են. - շնչառության դժվարություն (բրոնխոսպազմ); - ասթմայի նոպաներ; - ցավ կրծքավանդակում; - քթի լորձաթաղանթի այտուց կամ մաշկային ռեակցիաներ: Հակացուցված է հղիության վերջին եռամսյակում: