Կոլխիցին Օպոկալցիում դհտ 1մգ №30

Կիրառում Կոլխիցինն հակապոդագրային և հակաբորբոքային միջոց է: Դեղը կիրառվում է հոդատապային արթրիտի բուժման համար: Այն օգտագործվում է նաև ընտանեկան միջերկրածովյան տենդի (պարբերական հիվանդություն) բուժման համար՝ տենդի նոպաները և ամիլոիդոզը (սպիտակուցների աննորմալ նստվածք հյուսվածքներում և օրգաններում) կանխելու նպատակով: Ինչպես ընդունել Ներքին ընդունման դեպքում Կոլխիցինը միանվագ դոզան կազմում է 0.5-1.5 մգ: Ընդունման հաճախությունը և բուժման կուրսի տևողությունը կախված են ցուցումներից և ընտրված բուժման սխեմայից: Դեղի առավելագույն օրական դոզան չպետք է գերազանցի 8 մգ-ը: Սուր հոդատապի նոպայի դեպքում խորհուրդ է տրվում ընդունել 1 մգ կոլխիցին (1 հաբ), այնուհետև 0.5 - 1.5 մգ՝ յուրաքանչյուր 1-2 ժամը մեկ՝ մինչև ցավի թուլացումը: Հաբը կարելի է կուլ տալ ամբողջությամբ կամ բաժանել երկու մասի՝ գծի երկայնքով՝ 0.5 մգ միանվագ դոզա ստանալու համար: Հակացուցումներ Կոլխիցինը հակացուցված է դեղի բաղադրիչների նկատմամբ գերզգայունության, ինչպես նաև սուր լյարդային և երիկամային անբավարարության դեպքում: Դեղը հակացուցված է հղիության ընթացքում կիրառելու համար, իսկ կրծքով կերակրման շրջանում դրա անվտանգության վերաբերյալ տվյալներ չկան: Հակացուցված է նաև մինչև 18 տարեկան երեխաների համար: Կոլխիցինը պետք է նշանակել հատուկ զգուշությամբ տարեց և թուլացած հիվանդներին, հատկապես նրանց, ովքեր տառապում են երիկամների, ստամոքս-աղիքային տրակտի և սրտի հիվանդություններով, ինչպես նաև կախեքսիայով հիվանդներին: Դեղը շաքարային դիաբետով հիվանդներին նշանակելիս անհրաժեշտ է հաշվի առնել, որ դրա կազմում կան սախարոզա և լակտոզա: