Իբուրոդեմ դեղահաբ 600մգ №60

Կիրառում Իբուրոդեմը կիրառվում է որպես ցավազրկող և հակաբորբոքային միջոց ռևմատոիդ արթրիտի (ներառյալ անչափահասների ռևմատոիդ արթրիտը կամ Սթիլի հիվանդությունը), անկիլոզացնող սպոնդիլոարթրիտի, օստեոարթրիտի և այլ ոչ ռևմատոիդ (շճային բացասական) արթրոպաթիաների բուժման համար: Դեղը ցուցված է հոդերի հյուսվածքների ոչ ռևմատիկ բորբոքային պրոցեսների, արթրիտների, բուրսիտների, տենդինիտների, տենդովագինիտների, գոտկատեղի ցավերի բուժման համար: Իբուրոդեմը կարող է կիրառվել նաև ցավոտ դաշտանների, հետվիրահատական ցավերի, գլխացավերի (այդ թվում՝ միգրենի), ատամնացավերի, փափուկ հյուսվածքների ցավային համախտանիշների, օրինակ՝ ջլերի ձգումների դեպքում: Իբուրոդեմը օգտագործվում է նաև որպես ջերմիջեցնող միջոց: Ինչպես ընդունել Նախատեսված է ներքին ընդունման համար: Խորհուրդ է տրվում ընդունել ուտելու ընթացքում կամ հետո՝ ջրով: Հաբը պետք է կուլ տալ ամբողջությամբ. կոկորդի գրգռումից խուսափելու համար հաբը չի կարելի ծամել կամ մանրացնել: Դեղն ընդունելուց հետո հաջորդ ընդունումը պետք է լինի ոչ շուտ, քան 4 ժամ հետո, և ընդհանուր քանակը չպետք է գերազանցի օրական 6 հաբը: - Որպես ջերմիջեցնող. օրական ոչ ավելի, քան 3 անգամ, 1 հաբ: - Պատանիներ 12-18 տարեկան. օրական 1-2 անգամ: - Մեծահասակներ. օրական դոզան կազմում է 1200-1800 մգ (օրական 2-3 անգամ): Բարդ և ծանր դեպքերում թույլատրվում է դոզայի ավելացում, սակայն օրական բոլոր դոզաները միասին վերցրած չպետք է գերազանցեն 2400 մգ-ը: - Խորհուրդ չի տրվում կիրառել բուժման ընթացքում 7 կգ-ից պակաս քաշ ունեցող երեխաների մոտ: Հակացուցումներ Իբուրոդեմը հակացուցված է դեղի ակտիվ և օժանդակ բաղադրիչների նկատմամբ արտահայտված զգայունություն ունեցող անձանց: Չի թույլատրվում կիրառել անամնեզում գերզգայունություն ունեցող հիվանդների մոտ: Իբուրոդեմը հակացուցված է երիկամային, լյարդային և սրտային անբավարարություն ունեցող մարդկանց մոտ: Իբուրոդեմը հակացուցված է հղիության վերջին եռամսյակում: Պահպանման պայմաններ Պահել ոչ բարձր, քան 25 աստիճան C ջերմաստիճանում: Պահել երեխաներին անհասանելի վայրում: