Դիկլակ ID դեղահաբ 150մգ №10

Կիրառում Դիկլակ ID 150 դեղամիջոցը նախատեսված է ցավի և բորբոքման տարբեր աստիճանների սիմպտոմատիկ բուժման համար հետևյալ վիճակների դեպքում՝ սուր արթրիտ (ներառյալ հոդատապի նոպաները), քրոնիկ արթրիտ (հատկապես ռևմատոիդ արթրիտ), անկիլոզացնող սպոնդիլոարթրիտ (Բեխտերևի հիվանդություն) և այլ բորբոքային-ռևմատիկ սպոնդիլոպաթիաներ: Այն նաև կիրառվում է ցավոտ վիճակների դեպքում արթրոզի և սպոնդիլոարթրոզի, բորբոքային մկանային-ռևմատիկ հիվանդությունների, ցավոտ այտուցների կամ բորբոքումների դեպքում վնասվածքներից կամ վիրահատություններից հետո: Ինչպես ընդունել Մեծահասակներին խորհուրդ է տրվում ընդունել 1 հաբ Դիկլակ ID 150, որը համապատասխանում է 150 մգ դիկլոֆենակ նատրիումի: Առավելագույն օրական դոզան չպետք է գերազանցի 150 մգ դիկլոֆենակ նատրիումի: Հաբերը պետք է ընդունել ամբողջությամբ, չծամելով, բավարար քանակությամբ հեղուկի հետ, ուտելիս կամ ուտելուց անմիջապես հետո, բայց ոչ սոված փորին: Դեղամիջոցը նախատեսված է կարճաժամկետ թերապիայի համար, բուժման առավելագույն տևողությունը չպետք է գերազանցի երկու շաբաթը: Դեղամիջոցի կիրառման տևողությունը որոշում է բուժող բժիշկը: Հակացուցումներ - Գերզգայունություն դիկլոֆենակի կամ դեղամիջոցի ցանկացած այլ բաղադրիչի նկատմամբ: - Անամնեզում անգիոնևրոտիկ այտուցի, քթի պոլիպների, բրոնխիալ ասթմայի նոպաների, ուրտիկարիայի, սուր ռինիտի կամ այլ ալերգիկ ախտանիշների առկայություն՝ ացետիլսալիցիլաթթվի կամ այլ ՈՍՀԴ-ների կիրառմանը ի պատասխան: - Անհայտ ծագման արյունաստեղծման խանգարումներ: - Ուղեղային անոթային արյունահոսություն կամ այլ տիպի արյունահոսություն: - Աղիների բորբոքային հիվանդություններ (Կրոնի հիվանդություն կամ խոցային կոլիտ): - Լյարդային անբավարարություն: - Երիկամային անբավարարություն: - Սրտային անբավարարություն (NYHA II-IV): - Դիկլակ ID-ն պարունակում է լակտոզա, ուստի այն չպետք է կիրառվի գալակտոզայի ժառանգական անտանելիություն, լակտազայի դեֆիցիտ կամ գլյուկոզա-գալակտոզայի կլանման խանգարում ունեցող հիվանդների մոտ: - Դիկլակ ID 150 դեղամիջոցը չի կիրառվում մինչև 18 տարեկան երեխաների և դեռահասների մոտ՝ գործող նյութի բարձր պարունակության պատճառով: