Մեզիմ Ֆորտե դեղահաբ 3500ԱՄ №20

Կիրառում Մեզիմ ֆորտե դեղը փոխհատուցում է ենթաստամոքսային գեղձի արտաքին սեկրետոր գործառույթի անբավարարությունը: Պանկրեատինի կազմի մեջ մտնող ֆերմենտները (լիպազա, ամիլազա և պրոտեազա) հեշտացնում են ճարպերի, ածխաջրերի և սպիտակուցների մարսումը՝ նպաստելով դրանց ավելի ամբողջական ներծծմանը բարակ աղիքում: Կիրառման ցուցումներն են. - ենթաստամոքսային գեղձի արտաքին սեկրետոր գործառույթի անբավարարություն (օրինակ՝ քրոնիկ պանկրեատիտի, մուկովիսցիդոզի դեպքում); - ստամոքսի, աղիների, լյարդի, լեղապարկի քրոնիկ բորբոքային-դիստրոֆիկ հիվանդություններ, ինչպես նաև այդ օրգանների հատումից կամ ճառագայթումից հետո առաջացած վիճակներ, որոնք ուղեկցվում են սննդի մարսման խանգարումներով, մետեորիզմով, փորլուծությամբ (համակցված թերապիայի կազմում): Դեղը օգտագործվում է նաև սննդի մարսումը բարելավելու համար այն հիվանդների մոտ, ովքեր ունեն աղեստամոքսային տրակտի նորմալ ֆունկցիա՝ սննդակարգի խախտումների դեպքում և որովայնի օրգանների ռենտգենոլոգիական և ուլտրաձայնային հետազոտությանը նախապատրաստվելու համար: Ինչպես ընդունել Մեզիմ ֆորտեն ընդունում են ներքին, ուտելուց առաջ, 1-2 հաբ, չծամելով և խմելով մեծ քանակությամբ հեղուկով (հնարավորության դեպքում հիմնային, օրինակ՝ ջրով կամ մրգային հյութերով): Անհրաժեշտության դեպքում, ուտելու ընթացքում կարելի է ընդունել ևս 1-4 հաբ: Խորհուրդ չի տրվում գերազանցել ֆերմենտների օրական դոզան, որը կազմում է 15000-20000 ՄՄ լիպազա/կգ մարմնի քաշի, հատկապես մուկովիսցիդոզով հիվանդների մոտ: Երեխաների մոտ դեղը կիրառվում է բժշկի նշանակմամբ: Բուժման տևողությունը կարող է տատանվել մի քանի օրից (սննդի խանգարման դեպքում՝ սննդակարգի սխալների պատճառով) մինչև մի քանի ամիս կամ նույնիսկ տարիներ (եթե պահանջվում է մշտական փոխարինող թերապիա): Հակացուցումներ Մեզիմ ֆորտե դեղը հակացուցված է դրա բաղադրիչների նկատմամբ բարձր զգայունության, սուր պանկրեատիտի և քրոնիկ պանկրեատիտի սրման դեպքերում: