Մեբենդազոլ դեղահաբ 100մգ №10

Կիրառում: Մեբենդազոլը կիրառվում է հետևյալ հելմինտոզների դեպքում՝ էնտերոբիոզ, ասկարիդոզ, տրիխոցեֆալոզ, անկիլոստոմիդոզ, տենիոզ, ստրոնգիլոիդոզ և խառը հելմինտոզներ, տրիխինելոզ, էխինոկոկոզ: Ինչպես ընդունել: - Էնտերոբիոզի դեպքում՝ Մեծահասակներին և 10 տարեկանից բարձր երեխաներին նշանակվում է 100 մգ մեկ անգամ: 2-ից 10 տարեկան երեխաներին՝ 25-50 մգ մեկ անգամ: Վերինվազիայի բարձր հավանականության դեպքում ընդունումը կրկնվում է 2-4 շաբաթ անց նույն դեղաչափով: Խորհուրդ է տրվում միաժամանակ բուժել ընտանիքի բոլոր անդամներին: - Ասկարիդոզի, տրիխոցեֆալոզի, անկիլոստոմիդոզի, տենիոզի, ստրոնգիլոիդոզի և խառը հելմինտոզների դեպքում՝ 100 մգ առավոտյան և երեկոյան 3 օրվա ընթացքում: - Տրիխինելոզի դեպքում՝ 200-400 մգ օրական 3 անգամ 3 օրվա ընթացքում, իսկ 4-րդից 10-րդ օրը՝ 400-500 մգ օրական 3 անգամ: - Էխինոկոկոզի դեպքում՝ 500 մգ օրական 2 անգամ առաջին 3 օրը, այնուհետև նույն դեղաչափով օրական 3 անգամ հաջորդ 3 օրը: Այնուհետև կիրառվում է 25-30 մգ/կգ/օր դեղաչափով 3-4 ընդունումով: Հակացուցումներ: Լյարդի ֆունկցիայի արտահայտված խանգարումներ, հղիություն, լակտացիա (կրծքով կերակրում), մինչև 2 տարեկան երեխաների տարիքը, գերզգայունություն մեբենդազոլի նկատմամբ: