Կլոտրիմազոլ քսուք 1% 20գ №1
Կիրառում Կլոտրիմազոլ 1% քսուքն օգտագործվում է մաշկի և լորձաթաղանթների սնկային ախտահարումների բուժման համար, որոնք առաջացել են դերմատոֆիտների, խմորասնկերի և բորբոսասնկերի, ինչպես նաև կլոտրիմազոլի նկատմամբ զգայուն այլ հարուցիչների կողմից: Դրանք ներառում են ոտքերի, ձեռքերի, մարմնի, մաշկային ծալքերի միկոզներ, կանդիդոզային վուլվովագինիտ, բալանիտ, բազմագույն որքին, էրիթրազմա: Ինչպես ընդունել Քսուքը բարակ շերտով քսել մաշկի ախտահարված հատվածներին և հարակից շրջաններին օրական 2-3 անգամ՝ նրբորեն մերսելով: Քսուքը քսելուց առաջ ախտահարված հատվածները պետք է մանրակրկիտ մաքրել և չորացնել: Բուժման տևողությունը անհատական է և կախված է հիվանդության ծանրությունից և տեղակայումից: Սովորաբար բուժման կուրսը կազմում է՝ դերմատոմիկոզների դեպքում՝ 3-4 շաբաթ; էրիթրազմայի դեպքում՝ 2-4 շաբաթ; բազմագույն որքինի դեպքում՝ 1-3 շաբաթ: Ոտքերի սնկային հիվանդությունների դեպքում խորհուրդ է տրվում շարունակել բուժումը ևս 2 շաբաթ՝ հիվանդության բոլոր ախտանշանների վերացումից հետո՝ կրկնումները կանխելու համար: Հակացուցումներ Բարձր զգայունություն կլոտրիմազոլի կամ դեղամիջոցի այլ բաղադրիչների նկատմամբ: Հղիության I եռամսյակ: Զգուշությամբ կիրառել հղիության II և III եռամսյակներում, լակտացիայի շրջանում, ինչպես նաև լյարդի ֆունկցիայի խանգարումների և երեխաների մոտ: Պահպանման պայմաններ Դեղը պետք է պահել չոր, երեխաների համար անհասանելի տեղում՝ 5 աստիճան C-ից մինչև 25 աստիճան C ջերմաստիճանում: Չսառեցնել: Դեղի պահպանման ժամկետը 2 տարի է: Չօգտագործել դեղը պահպանման ժամկետի ավարտից հետո: