Ացիկլովիր քսուք 5% 10գ №1

Կիրառում Ացիկլովիր 5% քսուքը կիրառվում է մաշկի և արտաքին լորձաթաղանթների հերպեսային ախտահարումների բուժման համար, որոնք պայմանավորված են Herpes simplex տիպի 1 և 2, Varicella zoster վիրուսներով: Սա ներառում է շրթունքների հերպեսը, արտաքին սեռական օրգանների հերպեսը, ինչպես նաև լոկալիզացված գոտիավոր հերպեսը (օժանդակ բուժում) և ջրծաղիկը: Ինչպես ընդունել Քսուքը նախատեսված է միայն արտաքին օգտագործման համար: Խորհուրդ է տրվում բարակ շերտով քսել ախտահարված մակերեսին օրը 5 անգամ (մոտավորապես յուրաքանչյուր 4 ժամը մեկ): Շրթունքների հերպեսի բուժումը պետք է շարունակվի առնվազն 5 օր, իսկ գոտիավոր հերպեսի դեպքում՝ հիվանդության նշանների անհետանալուց հետո ևս 3 օր: Բուժման ընդհանուր տևողությունը կազմում է 5-10 օր: Վարակի տարածումը կանխելու համար խորհուրդ է տրվում օգտագործել ռետինե ձեռնոցներ կամ մատնոցներ: Բուժումը պետք է սկսել հերպեսային վարակի առաջին ախտանիշների հայտնվելուն պես: Քսուքը չպետք է քսել բերանի խոռոչի, քթի, աչքերի, հեշտոցի լորձաթաղանթներին, քանի որ հնարավոր է արտահայտված տեղային բորբոքման զարգացում: Հակացուցումներ Ացիկլովիր 5% քսուքի կիրառման հիմնական հակացուցումը ացիկլովիրի կամ վալացիկլովիրի նկատմամբ գերզգայունությունն է: Զգուշությամբ պետք է օգտագործել դեղամիջոցը հղիության և կրծքով կերակրման շրջանում, ինչպես նաև դեհիդրատացիայի և երիկամային անբավարարության դեպքերում: Պահպանման պայմաններ Պահել չոր, լույսից պաշտպանված վայրում՝ ոչ բարձր քան 25 աստիճան С ջերմաստիճանում: Չսառեցնել: Պահել երեխաների համար անհասանելի վայրում: Խողովակը բացելուց 1 ամիս հետո դեղամիջոցի օգտագործումը խորհուրդ չի տրվում: