Կլոպիդոլ դ․-հատ 75 մգ №20

Կիրառում Կլոպիդոգրելը ցուցված է մեծահասակ պացիենտների մոտ աթերոթրոմբոտիկ բարդությունների երկրորդական կանխարգելման համար՝ - Վերջերս տարած սրտամկանի ինֆարկտից հետո (մի քանի օրից մինչև 35 օր առաջ): - Վերջերս տարած իշեմիկ ինսուլտից հետո (7 օրից մինչև 6 ամիս առաջ): - Պերիֆերիկ զարկերակների օկլյուզիոն հիվանդության ախտորոշման դեպքում: - Սուր կորոնար համախտանիշով պացիենտների մոտ: Ինչպես ընդունել Կլոպիդոգրելն ընդունվում է ներքին ընդունման եղանակով՝ անկախ սննդի ընդունումից: - Մեծահասակներին և տարեց պացիենտներին սովորաբար նշանակվում է 75 մգ օրը 1 անգամ: - Բուժումը պետք է սկսել սրտամկանի ինֆարկտից հետո 1-ին օրից մինչև 35-րդ օրը, իշեմիկ ինսուլտից հետո 7 օրից մինչև 6 ամիսը: - Սուր կորոնար համախտանիշի դեպքում դեղաչափը և կիրառման սխեման սահմանվում են անհատապես՝ կախված ցուցումներից և կլինիկական իրավիճակից: Որոշ ցուցումների դեպքում կլոպիդոգրելը կիրառվում է ացետիլսալիցիլաթթվի (ԱՍԹ) հետ համակցված: - Դեղաչափման օպտիմալ ռեժիմը որոշում է բժիշկը: Հակացուցումներ - Բարձր զգայունություն կլոպիդոգրելի կամ դեղամիջոցի ցանկացած օժանդակ նյութի նկատմամբ: - Սուր պաթոլոգիական արյունահոսություն, ինչպիսին է պեպտիկ խոցը կամ ներգանգային արյունազեղումը: - Լյարդի ֆունկցիայի ծանր խանգարումներ: - Հղիություն և կրծքով կերակրման շրջան: - Մանկական տարիք (մինչև 18 տարեկան): - Զգուշությամբ է կիրառվում լյարդի չափավոր անբավարարության, երիկամային անբավարարության, արյունահոսությունների զարգացմանը նախատրամադրող հիվանդությունների (հատկապես ստամոքս-աղիքային կամ ներակնային) դեպքում, ինչպես նաև դեղամիջոցների միաժամանակյա կիրառման դեպքում, որոնք կարող են վնասել ստամոքս-աղիքային տրակտի լորձաթաղանթը (օրինակ՝ ԱՍԹ և ՈՍՀԴ):