Էութիրօքս դեղահաբ 100մկգ №100

Կիրառում: Էուտիրոքս դեղամիջոցը նախատեսված է մեծահասակների և 0-ից 18 տարեկան երեխաների համար: Այն օգտագործվում է հիպոթիրեոզի (օրգանիզմում թիրոքսին հորմոնի պակաս), էութիրեոիդ խպիպի (վահանաձև գեղձի բարորակ մեծացում՝ նորմալ ֆունկցիայով) բուժման համար, որպես փոխարինող թերապիա և վահանաձև գեղձի վրա կատարված վիրահատություններից հետո խպիպի կրկնության կանխարգելման համար: Այն նաև կիրառվում է որպես ճնշող (սուպրեսիվ) և փոխարինող թերապիա վահանաձև գեղձի չարորակ նորագոյացությունների դեպքում, հիմնականում վիրահատական բուժումից հետո, և որպես ախտորոշիչ միջոց թիրեոիդ սուպրեսիայի թեստի անցկացման ժամանակ: Ինչպես ընդունել: Էուտիրոքս դեղամիջոցի օրական դեղաչափն ընդունում են ներքին առավոտյան՝ դատարկ ստամոքսին, ուտելուց առնվազն 30 րոպե առաջ: Հաբը պետք է կուլ տալ փոքր քանակությամբ հեղուկով (կես բաժակ ջուր) և չծամել: Կրծքի երեխաներին և մինչև 3 տարեկան երեխաներին Էուտիրոքս դեղամիջոցի օրական դեղաչափը պետք է տալ մեկ ընդունման համար՝ առաջին կերակրումից 30 րոպե առաջ: Անմիջապես ընդունելուց առաջ հաբը պետք է լուծել ջրում՝ ստանալով նուրբ կախույթ: Հակացուցումներ: Էուտիրոքս-ը հակացուցված է դեղամիջոցի նկատմամբ բարձր անհատական զգայունության, չբուժված թիրեոտոքսիկոզի, չբուժված հիպոֆիզար անբավարարության և չբուժված մակերիկամային անբավարարության դեպքում: Բուժումը չպետք է սկսել սուր միոկարդի ինֆարկտի, սուր միոկարդիտի, սուր պանկարդիտի ժամանակ: Նաև խորհուրդ չի տրվում հղիության ընթացքում կիրառել հակաթիրեոիդ դեղամիջոցների հետ համակցված: Հաշվի առնելով դրա բաղադրության մեջ լակտոզայի առկայությունը՝ դեղամիջոցը խորհուրդ չի տրվում հազվադեպ հիվանդություններով տառապող պացիենտներին, որոնք կապված են գալակտոզայի անտանելիության, լակտազայի դեֆիցիտի կամ գլյուկոզա-գալակտոզայի մալաբսորբցիայի համախտանիշի հետ: Պահպանման պայմաններ: Դեղամիջոցը պետք է պահել երեխաների համար անհասանելի, լույսից պաշտպանված տեղում՝ ոչ ավելի բարձր, քան 25 աստիճան C ջերմաստիճանում: Դեղամիջոցի պիտանելիության ժամկետը 3 տարի է: