Րինոֆլուիմուցիլ քթի ցողացիր 10մլ №1

Կիրառում - Սուր և ենթասուր ռինիտ՝ թանձր թարախային-լորձային արտազատուկով (սեկրետով): - Քրոնիկ ռինիտ: - Վազոմոտոր ռինիտ: - Ատրոֆիկ ռինիտ: - Սինուսիտ: Ինչպես ընդունել Դեղամիջոցը ներմուծվում է քթի խոռոչ՝ սփրեյի տեսքով՝ հատուկ ցողիչի միջոցով: - Մեծահասակներին: 2 չափաբաժին սփրեյ (փականի 2 սեղմում) յուրաքանչյուր քթանցքի մեջ օրը 3-4 անգամ: - 6 տարեկանից բարձր երեխաներին: 1 չափաբաժին սփրեյ (փականի 1 սեղմում) յուրաքանչյուր քթանցքի մեջ օրը 3-4 անգամ: - Բուժման տևողությունը չպետք է գերազանցի 7 օրը: - Չպետք է գերազանցել առաջարկվող դոզաները և բուժման կուրսը առանց բժշկի հետ խորհրդակցելու: Հակացուցումներ - Գերզգայունություն դեղամիջոցի բաղադրիչներից որևէ մեկի նկատմամբ: - Փակ անկյունային գլաուկոմա: - Թիրեոտոքսիկոզ: - Չպետք է օգտագործել բուժման ընթացքում և հակադեպրեսանտներով (ՄԱՕ ինհիբիտորներով) բուժումը դադարեցնելուց հետո 2 շաբաթվա ընթացքում: - Հղիություն: - Կրծքով կերակրման շրջան: - Մինչև 6 տարեկան երեխաներ: - Բետա-ադրենոբլոկատորների կիրառում: - Երկարատև օգտագործումը կարող է առաջացնել քթի փակվածության ախտանիշների կրկնություն և դեղորայքային ռինիտ: - Զգուշությամբ կիրառել տարեց հիվանդների մոտ: - Զգուշությամբ կիրառել սրտանոթային հիվանդություններ ունեցող հիվանդների մոտ, հատկապես զարկերակային հիպերտենզիայի դեպքում, բժշկի հսկողության ներքո: - Զգուշությամբ կիրառել ասթմայով հիվանդների մոտ: Պահպանման պայմաններ - 15-ից 25 աստիճան C ջերմաստիճանում: - Պահպանման ժամկետը՝ 2,5 տարի: Ֆլակոնը բացելուց հետո՝ 20 օր: