Պրոստամեդ ծամ դհտ N60

Կիրառում Պրոստամեդը բուսական պատրաստուկ է, որը կիրառվում է միզելու ֆունկցիոնալ խանգարումների դեպքում, որոնք կապված են շագանակագեղձի բարորակ գերաճի հետ: Այն օգտագործվում է նաև միզելու խանգարումների դեպքում շագանակագեղձի բարորակ գերաճի (ադենոմա) I-II փուլերում, ներառյալ դժվար և հաճախակի միզումը (այդ թվում՝ գիշերային ժամերին), միզապարկի ոչ լրիվ դատարկման զգացումը և միզելու անզուսպ ցանկությունները: Պատրաստուկը կարող է կիրառվել սուր և քրոնիկ պրոստատիտի համալիր բուժման կազմում: Ավանդաբար Պրոստամեդն օգտագործվում է ստորին միզուղիների հետ կապված ախտանիշները թեթևացնելու համար՝ շագանակագեղձի բարորակ մեծացման և միզապարկի գերակտիվության (գերակտիվ միզապարկի համախտանիշ) դեպքում, բժշկի կողմից լուրջ հիվանդությունները բացառելուց հետո: Ինչպես ընդունել Խորհուրդ է տրվում ընդունել օրական 3 անգամ 2-4 ծամելու հաբ: Հաբերը պետք է ծամել և կուլ տալ՝ խմելով բավարար քանակությամբ հեղուկ, օրինակ՝ քառորդ լիտր խմելու ջուր: Պատրաստուկի կիրառման տևողությունը որոշվում է բժշկի կողմից՝ կախված հիվանդության բնույթից և ընթացքից, սակայն բուժման առաջարկվող տևողությունը առնվազն 3 ամիս է (կամ 12 շաբաթ), մինչև գանգատների անհետացումը: Հակացուցումներ Պրոստամեդը հակացուցված է հղիության և կրծքով կերակրման շրջանում: Այն պետք է զգուշությամբ կիրառել երիկամների ֆունկցիայի խանգարումների դեպքում: Պատրաստուկը հակացուցված է երեխաների համար: Հակացուցումներից են նաև բարձր զգայունությունը պատրաստուկի բաղադրիչների նկատմամբ, գերզգայունությունը սալիցիլատների նկատմամբ, ինչպես նաև երիկամային, լյարդային կամ սրտային ծանր անբավարարությունը: Պահպանման պայմաններ Պատրաստուկը պետք է պահել երեխաների համար անհասանելի վայրում՝ ոչ ավելի բարձր, քան 25 աստիճան C ջերմաստիճանում: Պրոստամեդի պահպանման ժամկետը 3 տարի է. փաթեթը բացելուց հետո՝ 3 ամիս: Մի կիրառեք պատրաստուկը փաթեթի վրա նշված պահպանման ժամկետը լրանալուց հետո: