Կոմբիլիպեն դ/հ №60

Կիրառում: << Կոմբիլիպեն տաբս >> դեղամիջոցը կիրառվում է հետևյալ նյարդաբանական հիվանդությունների համալիր թերապիայում՝ եռորյակ նյարդի նյարդաբորբ; դիմային նյարդի նևրիտ; ողնաշարի հիվանդություններով պայմանավորված ցավային համախտանիշ (միջկողային նյարդաբորբ, լյումբոիշիալգիա, գոտկային համախտանիշ, պարանոցային համախտանիշ, պարանոցա-ուսային համախտանիշ, ողնաշարի դեգեներատիվ փոփոխություններով պայմանավորված արմատիկ համախտանիշ); տարբեր էթիոլոգիայի պոլինևրոպաթիա (շաքարախտային, ալկոհոլային): Ինչպես ընդունել: Հաբերը պետք է ընդունել ուտելուց հետո, առանց ծամելու և փոքր քանակությամբ հեղուկի հետ: Մեծահասակներին նշանակվում է օրական 1 հաբ 1-3 անգամ: Բուժման տևողությունը որոշվում է բժշկի կողմից: Խորհուրդ չի տրվում դեղամիջոցի բարձր դեղաչափերով բուժումը 4 շաբաթից ավելի տևողությամբ: Հակացուցումներ: - Դեղամիջոցի բաղադրիչների նկատմամբ գերզգայունություն; - Սրտի դեկոմպենսացված անբավարարության ծանր և սուր ձևեր; - Մանկական տարիք: Հղիության և կրծքով կերակրման շրջանում կիրառումը խորհուրդ չի տրվում, քանի որ << Կոմբիլիպեն տաբսը >> պարունակում է 100 մգ վիտամին B6: Պահպանման պայմաններ: Դեղամիջոցը պետք է պահել երեխաների համար անհասանելի, չոր, լույսից պաշտպանված տեղում՝ ոչ բարձր քան 25 աստիճան C ջերմաստիճանում: Դեղամիջոցի պահպանման ժամկետը 2 տարի է: