Օդեստոն դեղահաբ 200մգ №50

Կիրառում: Օդեստոնը կիրառվում է համալիր թերապիայի կազմում լեղուղիների և Օդդիի սֆինկտերի հիպերկինետիկ դիսկինեզիայի, ոչ քարային քրոնիկական խոլեցիստիտի, խոլանգիտի, խոլելիթիազի ժամանակ: Այն նաև ցուցված է լեղապարկի և լեղուղիների վրա վիրահատական միջամտություններից հետո, ինչպես նաև ախորժակի նվազման, սրտխառնոցի, փորկապության, փսխման դեպքում (լեղու հիպոսեկրեցիայի ֆոնին): Ինչպես ընդունել: Դեղը ընդունվում է ներքին՝ ուտելուց 30 րոպե առաջ: Մեծահասակներին նշանակվում է օրական 200-400 մգ 3 անգամ: Օրական դոզան կազմում է 1200 մգ: Բուժման կուրսը՝ 2 շաբաթ: 7 տարեկանից բարձր երեխաներին նշանակվում է 200 մգ (1 հաբ) օրական 1-3 անգամ: Երեխաների համար օրական դոզան կազմում է 600 մգ: Բուժման կուրսը՝ 2-3 շաբաթ: Դոզան բաց թողնելու դեպքում անհրաժեշտ է հնարավորինս շուտ ընդունել դեղը: Եթե հաջորդ ընդունման ժամանակն է մոտենում, բաց թողնված դոզան չպետք է ընդունել: Բաց թողնված դոզան փոխհատուցելու նպատակով չպետք է դեղի կրկնակի դոզա ընդունել: Հակացուցումներ: Բարձր զգայունություն դեղի ակտիվ նյութի կամ ցանկացած այլ բաղադրիչի նկատմամբ, լեղուղիների անանցանելիություն, երիկամային անբավարարություն, լյարդի անբավարարություն, խոցային կոլիտ, Կրոնի հիվանդություն, ստամոքսի և տասներկումատնյա աղիքի խոցային հիվանդություն, հեմոֆիլիա: Հակացուցված է մինչև 7 տարեկան երեխաներին: Պահպանման պայմաններ: Դեղը պետք է պահել երեխաների համար անհասանելի վայրում՝ ոչ ավելի բարձր, քան 25 աստիճան C ջերմաստիճանում: