Սալբուտամոլ դեղահաբ 4մգ №25

Կիրառում Սալբուտամոլը կիրառվում է ասթմայի, բրոնխոսպազմների և շնչուղիների դարձելի նեղացումով այլ վիճակների բուժման համար: Այն ցուցված է հարթ մկանների սպազմի դեպքում բրոնխիալ ասթմայի, քրոնիկական սպաստիկ բրոնխիտի և թոքերի էմֆիզեմայի ժամանակ: Դեղամիջոցը նաև օգտագործվում է բրոնխիալ ասթմայի, թոքերի քրոնիկ օբստրուկտիվ հիվանդության և քրոնիկ բրոնխիտի նոպաները կանխարգելելու համար: Սալբուտամոլը թեթևացնում է շնչառական խնդիրները բրոնխիալ ասթմայի և թոքերի այլ օբստրուկտիվ հիվանդությունների դեպքում: Ինչպես ընդունել Սալբուտամոլն ընդունում են պերօրալ: Մեծահասակներին և 12 տարեկանից բարձր երեխաներին մեկանգամյա դոզան կազմում է 2-4 մգ, ընդունվում է օրը 3-4 անգամ: Հաջորդ դոզան ընդունվում է 6 ժամ հետո: Անբավարար արդյունքի դեպքում, բժշկի հետ խորհրդակցելուց հետո, դոզան կարող է ավելացվել մինչև 8 մգ: Առավելագույն օրական դոզան՝ 32 մգ: 2-ից 6 տարեկան երեխաներին նշանակվում է 0,1 մգ/կգ դոզա մեկ ընդունման համար (ոչ ավելի, քան 1-2 մգ օրը երեք անգամ), պահպանելով վեց ժամյա ընդմիջում ընդունումների միջև: Հակացուցումներ Սալբուտամոլի կիրառման հակացուցումներն են դեղամիջոցի բաղադրիչների նկատմամբ գերզգայունությունը և սրտամկանի ինֆարկտը: Դեղամիջոցը նաև չպետք է ընդունել սալբուտամոլի կամ դեղամիջոգի ցանկացած այլ բաղադրիչի նկատմամբ ալերգիայի (գերզգայունության) դեպքում: Զգուշությամբ պետք է կիրառել Սալբուտամոլը սրտի հիվանդությունների (կրծքավանդակի ցավ, անկանոն կամ շատ արագ սրտի զարկ, սրտային անբավարարություն), բետա-բլոկատորների ընդունման, շաքարային դիաբետի և վահանաձև գեղձի գերֆունկցիայի (թիրեոտոքսիկոզ) դեպքում: Պահպանման պայմաններ Պահել մինչև 25 աստիճան C ջերմաստիճանում: