Ասպիրին դհտ 500մգ х10 №1

Կիրառում Ասպիրին դեղամիջոցն օգտագործվում է գլխացավի, ատամնացավի, կոկորդի ցավի, դաշտանային ցավերի, մկանային և հոդացավերի, ինչպես նաև մեջքի ցավի ախտանիշային թեթևացման համար: Այն օգտագործվում է նաև մրսածության և այլ վարակիչ-բորբոքային հիվանդությունների դեպքում մարմնի բարձր ջերմությունը իջեցնելու համար մեծահասակների և 15 տարեկանից բարձր երեխաների մոտ: Ինչպես ընդունել Ասպիրինի սովորական հաբերը ընդունում են ամբողջությամբ՝ բավարար քանակությամբ ջրով: Ցավազրկման և ջերմությունն իջեցնելու համար մեծահասակ հիվանդներին սովորաբար նշանակվում է 0,5-1 գ, օրական ոչ ավելի, քան 3-4 անգամ: Դեղի ընդունումների միջև ընդմիջումները պետք է կազմեն առնվազն 4 ժամ, իսկ առավելագույն օրական դոզան չպետք է գերազանցի 3 գ-ը: Հակացուցումներ Ասպիրին-ը հակացուցված է ստամոքս-աղիքային տրակտի էրոզիվ-խոցային ախտահարումների սրման փուլում, հեմոռագիկ դիաթեզի, ինչպես նաև բրոնխիալ ասթմայի դեպքում, որը առաջացել է սալիցիլատների և այլ ոչ ստերոիդային հակաբորբոքային դեղամիջոցների (ՈՍՀԴ) ընդունմամբ: Հակացուցված է նաև միաժամանակյա կիրառումը մեթոտրեքսատի հետ՝ շաբաթական 15 մգ և ավելի դոզայով, հղիության I և III եռամսյակներում և կրծքով կերակրման շրջանում: Դեղամիջոցը չի կարելի ընդունել ացետիլսալիցիլաթթվի (ԱՍԹ), այլ ՈՍՀԴ-ների կամ դեղամիջոցի ցանկացած օժանդակ նյութի նկատմամբ գերզգայունության դեպքում: Ասպիրին-ը չի նշանակվում մինչև 15 տարեկան երեխաներին սուր շնչառական հիվանդությունների դեպքում, որոնք առաջացել են վիրուսային վարակներով, Ռեյեի համախտանիշի զարգացման ռիսկի պատճառով: Պահպանման պայմաններ: Պահել ոչ ավելի բարձր, քան 30 աստիճան C ջերմաստիճանում, երեխաների համար անհասանելի վայրում: