Գրիպոֆլյու Լոռամրգի փոշի №10

Կիրառում Վարակիչ-բորբոքային հիվանդությունների, ինչպիսիք են ՍՇՎՀ-ն և գրիպը, ախտանշանային թերապիա, որոնք ուղեկցվում են բարձր ջերմությամբ, դողերոցքով, գլխացավով, կոկորդի ցավով, քթահոսությամբ, քթի փակվածությամբ, փռշտոցով և մկանացավերով: Ինչպես ընդունել Մեկ փաթեթի պարունակությունը լցնել բաժակի մեջ, ավելացնել տաք ջուր, խառնել մինչև լրիվ լուծվելը և խմել տաք վիճակում: Դեղը խորհուրդ է տրվում ընդունել ուտելուց 1-2 ժամ հետո: Մեծահասակներին և 12 տարեկանից բարձր երեխաներին ընդունել մեկ փաթեթ օրը 3-4 անգամ, պահպանելով 4-6 ժամ ընդմիջումներ դեղաչափերի միջև: Առավելագույն օրական դոզան կազմում է 4 փաթեթ: Բուժման կուրսը չպետք է գերազանցի 5 օրը: Օգտագործելուց առաջ խորհուրդ է տրվում խորհրդակցել բժշկի հետ: Հակացուցումներ - Հղիություն և կրծքով կերակրման շրջան: - Մինչև 12 տարեկան երեխաների տարիք: - Զարկերակային գերճնշում: - Շաքարային դիաբետ: - Փակ անկյունային գլաուկոմա: - Լյարդի, երիկամների, սրտի, վահանաձև գեղձի, թոքերի (այդ թվում՝ բրոնխիալ ասթմա), միզապարկի ծանր հիվանդություններ: - Ստամոքսի և տասներկումատնյա աղիքի խոցային հիվանդություն: - Ենթաստամոքսային գեղձի հիվանդություններ: - Միզարձակման դժվարություններ շագանակագեղձի ադենոմայի դեպքում: - Արյան համակարգի հիվանդություններ: - Գլյուկոզա-6-ֆոսֆատդեհիդրոգենազա ֆերմենտի դեֆիցիտ: - Բարձր զգայունություն դեղամիջոցի առանձին բաղադրիչների նկատմամբ: Պահպանման պայմաններ Պահպանել չոր, լույսից պաշտպանված տեղում, ոչ բարձր, քան 30 աստիճան C ջերմաստիճանում: