Պրոնորան դհտ 50մգ №30

Կիրառում Պրոնորան դեղը կիրառվում է Պարկինսոնի հիվանդության (ինչպես մոնոթերապիայի, այնպես էլ լևոդոպայի հետ համակցված), ճանաչողական ֆունկցիայի քրոնիկ խանգարումների և նեյրոսենսորային դեֆիցիտի (այդ թվում՝ ուշադրության և հիշողության խանգարումների) դեպքում ծերունական դեմենցիայի ժամանակ (որպես լրացուցիչ ախտանշանային թերապիա), ստորին վերջույթների զարկերակների օբլիտերացնող հիվանդությունների հետևանքով առաջացած ընդհատվող կաղության դեպքում (որպես լրացուցիչ թերապիա), ինչպես նաև աչքի արյան շրջանառության իշեմիկ խանգարումների ժամանակ: Ինչպես ընդունել Պրոնորան հաբերն ընդունում են ներքին, ուտելուց հետո, չծամելով, կես բաժակ ջրով: Բոլոր ցուցումների դեպքում (բացի Պարկինսոնի հիվանդությունից) դեղը նշանակվում է 50 մգ (1 հաբ) դոզայով օրական 1 անգամ: Անհրաժեշտության դեպքում հնարավոր է դոզան բարձրացնել մինչև 100 մգ/օր (50 մգ օրական 2 անգամ): Պարկինսոնի հիվանդության դեպքում սովորաբար նշանակվում է 150-250 մգ օրական՝ բաժանված 3 ընդունման: Հակացուցումներ Պրոնորանը հակացուցված է պիրիբեդիլի կամ դեղամիջոցի բաղադրության մեջ մտնող օժանդակ նյութերի նկատմամբ գերզգայունության, կոլապսի, միոկարդի ինֆարկտի սուր փուլի, ինչպես նաև նեյրոլեպտիկների (բացի կլոզապինից) հետ համատեղ ընդունման դեպքում: Դեղը չի կիրառվում մինչև 18 տարեկան երեխաների և դեռահասների մոտ: Պահպանման պայմաններ Պահպանման ջերմաստիճանը՝ 2-ից 30 աստիճան С: