Պերմետրին նրբաքսուք 5% 50գ պարկուճ №1

Կիրառում Պերմետրին 5% քսուքը կիրառվում է քոսի և ցայլքային ոջլայնության բուժման համար: Ինչպես ընդունել (Դեղաչափ և կիրառման եղանակ) Քսուքը նախատեսված է միայն մաշկի արտաքին օգտագործման համար: Քսուքը քսելուց առաջ խորհուրդ չի տրվում ընդունել տաք լոգանք կամ ցնցուղ: Քսուքի փոքր քանակությունը պետք է բարակ շերտով քսել մաքուր, չոր, սառեցված մաշկին: - Քոսի բուժում: - Մեծահասակներ և դեռահասներ 12 տարեկանից բարձր՝ քսել մինչև 30 գ քսուք (ինչը համապատասխանում է պարկուճի պարունակության 60%-ին): - 6-ից 12 տարեկան երեխաներ՝ քսել մինչև 15 գ քսուք (ինչը համապատասխանում է պարկուճի պարունակության 30%-ին): - 2 ամսականից 5 տարեկան երեխաներ՝ քսել մինչև 7.5 գ քսուք (ինչը համապատասխանում է պարկուճի պարունակության 15%-ին): Քսուքի կիրառումը խորհուրդ չի տրվում 2 ամսականից փոքր հիվանդների մոտ: Սովորաբար բավարար է մեկանգամյա կիրառումը: Ախտահարման կամ ռեցիդիվի պահպանման դեպքում կարող է պահանջվել կրկնակի բուժում 14 օր հետո: - Ցայլքային ոջլայնության բուժում: - Մեծահասակներ 18 տարեկանից բարձր՝ քսել մինչև 30 գ քսուք (ինչը համապատասխանում է պարկուճի պարունակության 60%-ին): Պետք է խուսափել քսուքի շփումից աչքերի կամ լորձաթաղանթների հետ: Հակացուցումներ Մի կիրառեք Պերմետրին քսուքը, եթե ունեք ալերգիա (գերզգայունություն) պերմետրինի, այլ պիրետրոիդների կամ դեղամիջոցի կազմի մեջ մտնող ցանկացած օժանդակ նյութի նկատմամբ: Հղի և կրծքով կերակրող կանայք դեղամիջոցը օգտագործելուց առաջ պետք է խորհրդակցեն բժշկի կամ դեղագործի հետ: