Էթացիզին դեղահաբ 50մգ №50

Կիրառում Էտացիզին դեղամիջոցը կիրառվում է հետևյալ վիճակների դեպքում: - Վերփորոքային և փորոքային էքստրասիստոլիա: - Նախասրտերի ֆիբրիլյացիայի և թրթռման պարոքսիզմներ: - Փորոքային և վերփորոքային տախիկարդիա (ներառյալ Վոլֆ-Պարկինսոն-Ուայթի համախտանիշի դեպքում): Ինչպես ընդունել Դեղամիջոցն ընդունում են ներքին՝ անկախ սննդի ընդունումից, օրական 2-3 անգամ 50 մգ: Անբավարար կլինիկական էֆեկտի դեպքում դոզան ավելացնում են (ԷՍԳ-ի պարտադիր հսկողության ներքո) մինչև 50 մգ օրական 4 անգամ (200 մգ) կամ 100 մգ օրական 3 անգամ (300 մգ): Կայուն հակաառիթմիկ էֆեկտի հասնելուց հետո իրականացվում է պահպանողական թերապիա անհատապես ընտրված նվազագույն արդյունավետ դոզաներով: Դեղաչափման օպտիմալ ռեժիմը որոշում է բժիշկը: Հարկ է խստորեն պահպանել կիրառվող դեղամիջոցի կոնկրետ դեղաձևի համապատասխանությունը կիրառման ցուցումներին և դեղաչափման ռեժիմին: Հակացուցումներ Էտացիզին դեղամիջոցի կիրառումը հակացուցված է հետևյալ դեպքերում: - Գերզգայունություն էտացիզինի նկատմամբ: - Հաղորդականության արտահայտված խանգարումներ (այդ թվում՝ սինոատրիալ բլոկադա, AV-բլոկադա II և III աստիճանի արհեստական ռիթմավարի բացակայության դեպքում), ներփորոքային հաղորդականության խանգարում: - Սրտի ռիթմի խանգարումներ՝ զուգորդված Հիսի համակարգի - Պուրկինյեի մանրաթելերի հաղորդականության բլոկադաների հետ: - Ձախ փորոքի միոկարդի արտահայտված հիպերտրոֆիա: - Հետինֆարկտային կարդիոսկլերոզի առկայություն: - Կարդիոգեն շոկ: - Սուր կորոնար համախտանիշ (սուր միոկարդի ինֆարկտ, անկայուն ստենոկարդիա): - Սրտի խոռոչների արտահայտված լայնացում: - Լյարդի և/կամ երիկամների ֆունկցիաների արտահայտված խանգարումներ: - ՄԱՕ ինհիբիտորների միաժամանակյա ընդունում: - IC դասի հակաառիթմիկ միջոցների (պրոպաֆենոն, ալլապինին) և IA դասի (խինիդին, պրոկաինամիդ, դիզոպիրամիդ, այմալին) միաժամանակյա ընդունում: - Մինչև 18 տարեկան տարիք (արդյունավետությունը և անվտանգությունը հաստատված չեն): - Հղիություն: - Լակտացիայի շրջան (կրծքով կերակրում): Պահպանման պայմաններ Պահպանման ջերմաստիճանը՝ 2-ից 25 աստիճան C: