Օն.սետրոն-Դենկ դհտ բերանում լուծվող 8մգ №6

Կիրառում Օնդանսետրոն դեղամիջոցը (Օն.սետրոն-Դենկ ակտիվ նյութը) կիրառվում է մեծահասակների մոտ ցիտոստատիկ քիմիաթերապիայի կամ ճառագայթային թերապիայի հետևանքով առաջացած սրտխառնոցի և փսխման կանխարգելման և բուժման համար: Այն օգտագործվում է նաև 12 տարեկանից բարձր երեխաների մոտ ցիտոստատիկ քիմիաթերապիայի հետևանքով առաջացած սրտխառնոցի և փսխման կանխարգելման և բուժման, ինչպես նաև մեծահասակների մոտ հետվիրահատական շրջանում սրտխառնոցի և փսխման կանխարգելման համար: Ինչպես ընդունել - Մեծահասակների մոտ ցիտոստատիկ քիմիաթերապիայի կամ ճառագայթային թերապիայի հետևանքով առաջացած սրտխառնոցի և փսխման կանխարգելման և բուժման համար՝ առաջարկվող դոզան կազմում է 8 մգ օնդանսետրոն՝ ցիտոստատիկ քիմիաթերապիան կամ ճառագայթային թերապիան սկսելուց 1-2 ժամ առաջ: Դրանից հետո պետք է ընդունել 8 մգ բերանով յուրաքանչյուր 12 ժամը մեկ՝ ոչ ավելի, քան 5 օրվա ընթացքում: - Մեծահասակների մոտ հետվիրահատական սրտխառնոցի և փսխման կանխարգելման համար՝ խորհուրդ է տրվում ընդունել 16 մգ օնդանսետրոն բերանով՝ անզգայացումից 1 ժամ առաջ: Հակացուցումներ - Օնդանսետրոնը հակացուցված է դեղամիջոցի բաղադրիչների նկատմամբ գերզգայունության դեպքում: - Այն չպետք է կիրառվի նաև հղիության (հատկապես I եռամսյակում) և կրծքով կերակրման շրջանում: - Հակացուցված է միաժամանակյա կիրառումը ապոմորֆինի հետ: - Դեղամիջոցը չի նշանակվում մինչև 12 տարեկան երեխաներին՝ հաբային ձևերի համար: - Զգուշությամբ պետք է կիրառել լյարդի ֆունկցիայի խանգարումների դեպքում: