Տերմիկոն նրբաքսուք 1% 15գ պարկուճ №1

Կիրառում: Տերմիկոն 1% քսուքը նախատեսված է մաշկի սնկային վարակների կանխարգելման և բուժման համար, ներառյալ ոտքերի միկոզները (tinea pedis), աճուկային էպիդերմոֆիտիան (tinea cruris), մարմնի հարթ մաշկի սնկային ախտահարումները (tinea corporis), որոնք առաջացել են դերմատոֆիտներով: Այն կիրառվում է նաև մաշկի խմորասնկային վարակների (հիմնականում առաջացած Candida albicans-ով), մասնավորապարես, մաշկի շփաբորբի և բազմագույն որքինի (Pityriasis versicolor), որն առաջացել է Pityrosporum orbiculare-ով, դեպքերում: Ինչպես ընդունել: Տերմիկոն քսուքը նախատեսված է միայն արտաքին օգտագործման համար: Կլինիկական դրսևորումների արտահայտվածության նվազումը սովորաբար նկատվում է բուժման առաջին օրերին: Անկանոն բուժման կամ դրա վաղաժամ դադարեցման դեպքում վարակի կրկնության ռիսկ կա: Խուսափել քսուքի շփումից աչքերի հետ, քանի որ այն կարող է առաջացնել գրգռում: Դեղամիջոցի պատահական շփման դեպքում աչքերի հետ, դրանք պետք է անմիջապես լվանալ հոսող ջրով, իսկ կայուն գրգռման երևույթների զարգացման դեպքում անհրաժեշտ է դիմել բժշկի: Հնարավոր են կարճ բուժական կուրսեր՝ 1 շաբաթ տևողությամբ: Դեղաչափման ռեժիմը տարեց հիվանդների համար նույնն է, ինչ մյուս տարիքային խմբերի հիվանդների համար: Դեղաչափման մանրամասն ռեժիմը նշված է դեղամիջոցի օգտագործման հրահանգներում: Հակացուցումներ: Տերմիկոն քսուքի կիրառման հիմնական հակացուցումը դեղամիջոցի բաղադրիչների նկատմամբ գերզգայունությունն է: Զգուշությամբ պետք է կիրառել դեղամիջոցը երիկամային և/կամ լյարդային անբավարարության, ալկոհոլիզմի, ոսկրածուծի արյունաստեղծման ճնշման, ուռուցքների, նյութափոխանակության հիվանդությունների, վերջույթների անոթների օկլուզիոն հիվանդությունների դեպքում, ինչպես նաև մինչև 12 տարեկան երեխաների մոտ (բավարար կլինիկական փորձի բացակայության պատճառով): Պահպանման պայմաններ: Պահել ոչ բարձր, քան 30 աստիճան C ջերմաստիճանում: Պահել երեխաների համար անհասանելի վայրում: Դեղամիջոցի պահպանման ժամկետը 3 տարի է: Չօգտագործել փաթեթավորման վրա նշված պիտանելիության ժամկետը լրանալուց հետո: