Յոդինոլ 100մլ №1

Կիրառում Յոդինոլը հակասեպտիկ է տեղական և արտաքին օգտագործման համար: Կիրառվում է քրոնիկ տոնզիլիտի, թարախային վիրաբուժական հիվանդությունների (թարախային վերքեր, տրոֆիկ և վարիկոզ խոցեր, այրվածքներ, պանարիցիա, ֆիստուլներ), ինչպես նաև քրոնիկ պերիօդոնտիտի, ստոմատիտի, գինգիվիտի, քրոնիկ օտիտի, ռինիտի, ֆարինգիտի, լարինգիտի ժամանակ: Ինչպես ընդունել Կիրառվում է տեղականորեն (լվացում, նշիկների քսում, ոռոգում) և արտաքինից (թանզիֆե վիրակապեր դնելով): - Քրոնիկ տոնզիլիտի դեպքում՝ լվանում են նշիկների լակունաները և ենթանշիկային տարածությունները: - Տրոֆիկ և վարիկոզ խոցերի դեպքում՝ խոցի մակերեսին դրվում են պատրաստուկով թրջված թանզիֆե անձեռոցիկներ (3 շերտով): Նախապես մաշկը լվանում են տաք ջրով և օճառով, իսկ խոցի շուրջ մաշկը քսում ցինկի քսուքով: Վիրակապը փոխում են օրը 1-2 անգամ, ընդ որում խոցի վրա դրված թանզիֆը չեն հանում, այլ նորից ներծծում լուծույթով: 4-7 օր հետո նշանակում են ընդհանուր կամ տեղական լոգանք, այնուհետև նորից շարունակում նշված բուժումը: Հակացուցումներ Բարձր զգայունություն դեղամիջոցի բաղադրիչների (յոդի) նկատմամբ, թիրեոտոքսիկոզ, հերպեսանման դերմատիտ, հղիություն, կրծքով կերակրման շրջան, թմբկաթաղանթի պերֆորացիա: Հակացուցված է նաև մինչև 6 տարեկան երեխաներին: Պահպանման պայմաններ Պահել լույսից պաշտպանված տեղում 0-ից 35 աստիճան С ջերմաստիճանում: Պահել երեխաների համար անհասանելի վայրում: