Անիսոնի եթերային յուղ 10մլ №1

Կիրառում Անիսի եթերային յուղն ունի մեղմ խորխաբեր և քամահան ազդեցություն, ուժեղացնում է մարսողական ապարատի արտազատիչ և շարժիչ ֆունկցիան: Դրա շնորհիվ այն կիրառվում է օդակուտակման, ստամոքսի, լյարդի սեկրեցիայի վատթարացման, աղիքների սպազմատիկ ցավերի դեպքում՝ որպես ցավերը նվազեցնող և պերիստալտիկան վերականգնող միջոց: Բացի այդ, անիսի յուղն ունի լակտոգեն ազդեցություն և հակասեպտիկ հատկություններ: Այն մտնում է ամոնիակ-անիսի կաթիլների կազմի մեջ, որոնք կիրառվում են բրոնխիտների, տրախեիտների դեպքում՝ որպես հակահազային միջոց: Յուղը խթանում է մարսողությունը, թեթևացնում է ստամոքսի, որովայնի սպազմերը, հատկապես նյարդային լարվածությամբ պայմանավորվածները: Անիսի յուղը << օգնում է մաքրել >> շնչառական համակարգը և հանդիսանում է լավ խորխաբեր միջոց: Հազի և ավելորդ խորխի դեպքում կիրառում են անիսի յուղը՝ խառնած մեղրի հետ՝ օշարակի տեսքով: Ինչպես ընդունել - Լոգանքներ. Ընդհանուր լոգանքներ 6-7 կաթիլ յուղով: - Մերսում. 4-6 կաթիլ 20 գրամ հիմքի վրա: - Կոմպրես. 3-4 կաթիլ չնոսրացված յուղը քսել թաց կոմպրեսին՝ պատրաստված թանզիֆից, ֆլանելից կամ փափուկ սրբիչից: - Արոմալամպ. 1-2 կաթիլ 5 քառակուսի մետր մակերեսի վրա: - Ներքին ընդունում. 3-5 կաթիլ 1/2-1 թեյի գդալ մեղրի հետ 1/2 բաժակ տաք ջրում օրը 2-3 անգամ: Հակացուցումներ Չընդունել բաղադրիչների նկատմամբ անհատական անտանելիության դեպքում: Պահպանման պայմաններ Պահել լույսից պաշտպանված և երեխաների համար անհասանելի վայրում՝ 2 աստիճան C-ից մինչև 15 աստիճան C ջերմաստիճանում: