Վոլտարեն էմուլգել 100գ պարկուճ №1

Կիրառում: Վոլտարեն Էմուլգել 1%-ը ցուցված է մեծահասակների և 12 տարեկանից բարձր երեխաների մոտ հետևյալ պայմանների դեպքում. - Մեջքի ցավեր ողնաշարի բորբոքային և դեգեներատիվ հիվանդությունների դեպքում (ռադիկուլիտ, օստեոարթրոզ, լյումբագո, իշիաս): - Հոդերի ցավեր (ներառյալ ձեռքի մատների, ծնկների հոդեր) օստեոարթրոզի դեպքում: - Մկանային ցավեր (ձգումների, գերլարման, կապտուկների, վնասվածքների հետևանքով): - Մեղմ հյուսվածքների և հոդերի բորբոքում և այտուց վնասվածքների և ռևմատիկ հիվանդությունների դեպքում (տենդովագինիտ, բուրսիտ, պերիարտիկուլյար հյուսվածքների ախտահարումներ): Ինչպես ընդունել: Դեղամիջոցը նախատեսված է արտաքին օգտագործման համար: Մեծահասակներին և 12 տարեկանից բարձր երեխաներին դեղամիջոցը քսում են մաշկին օրական 3-4 անգամ և թեթևակի ներծծում: Դեղամիջոցի անհրաժեշտ քանակը կախված է ցավոտ հատվածի չափից: Դեղամիջոցի մեկանգամյա չափաբաժինը կազմում է 2-4 գ (որը համապատասխանում է բալի կամ ընկույզի չափին): Վոլտարեն Էմուլգելը պետք է քսել միայն չվնասված և չվարակված մաշկին՝ խուսափելով բաց վերքերի և վնասվածքների վրա ընկնելուց: Քսելուց հետո չպետք է անօդաթափանց օկլյուզիոն վիրակապ դնել, սակայն կարող են օգտագործվել ոչ օկլյուզիոն վիրակապեր: Խուսափել դեղամիջոցի աչքերի և լորձաթաղանթների հետ շփումից, չկուլ տալ: Եթե ձեռքերը ցավի տեղակայման գոտին չեն, ապա դեղամիջոցը քսելուց հետո ձեռքերը պետք է լվանալ: Հակացուցումներ: - Գերզգայունություն դիկլոֆենակի կամ դեղամիջոցի կազմի մեջ մտնող ցանկացած օժանդակ նյութի նկատմամբ: - Բրոնխիալ ասթմայի նոպաների, Կվինկեի այտուցի, եղնջացանի կամ սուր ռինիտների առաջացման հակվածություն ացետիլսալիցիլաթթվի կամ այլ ՈՍՀԴ-ների օգտագործման ժամանակ: - Հղիություն 20 շաբաթից ավելի ժամկետում (III եռամսյակ): - Կրծքով կերակրման շրջան: - Մինչև 12 տարեկան երեխաների տարիք: - Մաշկային ծածկույթների ամբողջականության խախտում ենթադրյալ քսելու տեղում: