Կալցիումի գլյուկոնատ սրվ. 10%/5մլ №10

Կիրառում Կալցիումի գլյուկոնատը լրացնում է օրգանիզմում կալցիումի դեֆիցիտը, ունի արյունահոսությունը դադարեցնող, հակաալերգիկ ազդեցություն և նվազեցնում է մազանոթների թափանցելիությունը: Կալցիումի իոնները մասնակցում են նյարդային իմպուլսների փոխանցմանը, հարթ և կմախքային մկանների կծկմանը, միոկարդի գործունեությանը, ոսկրային հյուսվածքի ձևավորմանը և արյան մակարդմանը: - Սուր հիպոկալցիեմիայի բուժում: - Մազանոթների թափանցելիությունը նվազեցնելու համար ալերգիկ վիճակների, ոչ թրոմբոցիտոպենիկ պուրպուրայի և էքսուդատիվ դերմատոզների դեպքում, օրինակ՝ հերպեսիֆորմ դերմատիտի և որոշ դեղամիջոցների կիրառման հետևանքով առաջացած քոր առաջացնող ցաների ժամանակ: - Մկանային սպազմների բուժումը՝ որպես ռախիտի, օստեոմալացիայի, կապարի կոլիկի և մագնեզիումի սուլֆատի գերդոզավորման օժանդակ թերապիա: Ինչպես ընդունել Խորհուրդ է տրվում միայն դանդաղ ներերակային ներարկում կամ ներերակային ինֆուզիա՝ նոսրացումից հետո: Ենթամաշկային ներարկումը թույլատրված չէ: Մեծահասակներին՝ խորը ներմկանային, ներերակային դանդաղ (2-3 րոպեի ընթացքում) կամ կաթիլային եղանակով 5-10 մլ 100 մգ/մլ (10% լուծույթ) ամեն օր, օրը մեջ կամ երկու օրը մեկ (կախված հիվանդության բնույթից և հիվանդի կլինիկական վիճակից): Երեխաներին՝ դեղամիջոցի ներմկանային ներարկումը խորհուրդ չի տրվում նեկրոզի զարգացման հնարավորության պատճառով: Մինչև 14 տարեկան երեխաներին միայն ներերակային, կախված տարիքից, 10% կալցիումի գլյուկոնատի լուծույթը ներարկվում է հետևյալ դոզաներով՝ մինչև 6 ամիս՝ 0,1-1 մլ; 7-12 ամիս՝ 1-1,5 մլ; 1-3 տարեկան՝ 1,5-2 մլ; 4-6 տարեկան՝ 2-2,5 մլ; 7-14 տարեկան՝ 3,5 մլ; 14 տարեկանից բարձր՝ դոզաները ինչպես մեծահասակների համար: Հակացուցումներ Գերզգայունություն դեղամիջոցի բաղադրիչների նկատմամբ; թրոմբոզների հակում; հիպերկալցիեմիա; ծանր հիպերկալցիուրիա; արտահայտված աթերոսկլերոզ; արյան բարձր մակարդելիություն; ծանր երիկամային անբավարարություն; սարկոիդոզ; միաժամանակյա օգտագործում սրտային գլիկոզիդների, ցեֆտրիաքսոնի հետ: