Մոնոկս դեղահաբ 60մգ №30

Կիրառում Էտորիկոքսիբը (Մոնոքսի ակտիվ նյութը) օգտագործվում է ռևմատոիդ արթրիտի, օստեոարթրոզի, անկիլոզացնող սպոնդիլիտի ախտանիշները վերացնելու համար: Այն նաև օգտագործվում է պոդագրիկ արթրիտի և ատամնաբուժական միջամտությունների ժամանակ կարճատև ցավը թեթևացնելու համար: Ինչպես ընդունել Դեղը նախատեսված է բերանային ընդունման համար: Դեղաչափը և բուժման սխեման կախված են հիվանդությունից և բժշկի առաջարկություններից: Սովորաբար ընդունում են օրական մեկ անգամ 0,06-ից մինչև 0,12 գ (60 մգ-ից մինչև 120 մգ): Լյարդի անբավարարության դեպքում խորհուրդ չի տրվում ընդունել օրական ավելի քան 60 մգ դեղամիջոց: Հակացուցումներ Դեղը հակացուցված է օգտագործելու համար. - ակտիվ նյութի (էտորիկոքսիբ) կամ նյութերի խմբի նկատմամբ ալերգիայի դեպքում. - եթե պացիենտը ունի բրոնխիալ ասթմա, քթի կամ հարակից խոռոչների կրկնվող պոլիպոզ և ՈՍՀԴ-ների կամ ասպիրինի անհանդուրժողականություն (նախկինում դիտված). - ստամոքսի և 12-մատնյա աղիքի խոցերի և էրոզիաների դեպքում. - աղիքների բորբոքային հիվանդություններ ունեցող պացիենտների մոտ, Կրոնի հիվանդության, ոչ սպեցիֆիկ խոցային կոլիտի, ՍՏԱ-ի արյունահոսության դեպքում. - հեմոֆիլիայով հիվանդների մոտ, արյան մակարդման գործընթացների խանգարման դեպքում. - ցերեբրովասկուլյար կամ այլ տեսակի արյունահոսության դեպքում. - եթե պացիենտը ունի արտահայտված քրոնիկ կամ սուր սրտային անբավարարություն (2-4 դասի). - լյարդի լուրջ հիվանդությունների դեպքում. - ծանր երիկամային անբավարարություն, հիպերկալեմիա, երիկամների պրոգրեսիվող հիվանդություններ ունեցող հիվանդների մոտ. - ծայրամասային զարկերակների հիվանդությունների դեպքում. - իշեմիայով հիվանդների մոտ. - հղի կանանց մոտ ցանկացած ժամկետում. - եթե պացիենտը վերջերս տարել է աորտոկորոնար շունտավորում. - բարձր զարկերակային ճնշման դեպքում, եթե հիպերտենսիան հասնում է ավելի քան 140 մմ ս.ս. 90 մմ ս.ս.-ի. - մինչև 16 տարեկան երեխաների մոտ. - կրծքով կերակրման ժամանակ: