Միլդրոնատ դեղապատիճ 500մգ №60

Կիրառում Միլդրոնատ-ը կիրառվում է սրտի իշեմիկ հիվանդության (կրծքային հեղձուկ, միոկարդի ինֆարկտ), քրոնիկ սրտային անբավարարության, ինչպես նաև գլխուղեղի արյան շրջանառության սուր և քրոնիկ խանգարումների (ինսուլտներ և ուղեղային անբավարարություն) համալիր բուժման մեջ: Դեղամիջոցը ցուցված է նաև աշխատունակության նվազման դեպքում: Ինչպես ընդունել Հնարավոր գրգռիչ ազդեցության զարգացման պատճառով խորհուրդ է տրվում դեղամիջոցը կիրառել օրվա առաջին կեսին և ոչ ուշ, քան 17:00-ն՝ օրական մի քանի անգամ ընդունելու դեպքում: - Քրոնիկ ալկոհոլիզմի դեպքում աբստինենտային համախտանիշի ժամանակ (ալկոհոլիզմի հատուկ թերապիայի հետ համակցված) դեղամիջոցը նշանակվում է ներքին ընդունման համար 500 մգ օրական 4 անգամ: Բուժման կուրսը կազմում է 7-10 օր: - Գլխուղեղի արյան շրջանառության ենթասուր խանգարումների (ինսուլտ և ուղեղային անբավարարություն) դեպքում Միլդրոնատ դեղամիջոցի ներարկային թերապիայի կուրսի ավարտից հետո շարունակում են ընդունել համալիր թերապիայի կազմում ներքին ընդունման համար 0.5-1 գ/օր, օգտագործելով ամբողջ դոզան մեկ անգամ կամ բաժանելով այն 2 ընդունման: Բուժման կուրսը կազմում է 4-6 շաբաթ: - Մարզիկներին՝ 500 մգ-1 գ մարզումներից առաջ օրական 2 անգամ: Պատրաստական մարզական փուլում կուրսի տևողությունը կազմում է 14-21 օր: Մրցումների շրջանում՝ 10-14 օր: Հակացուցումներ - Բարձր զգայունություն դեղամիջոցի ակտիվ նյութի և այլ բաղադրիչների նկատմամբ: - Ներգանգային ճնշման բարձրացում (երակային արտահոսքի խանգարման, ներգանգային ուռուցքների դեպքում): - Մինչև 18 տարեկան տարիք (արդյունավետությունը և անվտանգությունը հաստատված չեն): - Հղիություն: - Կրծքով կերակրման շրջան: - Զգուշությամբ՝ լյարդի և/կամ երիկամների հիվանդությունների դեպքում: