Սիոֆոր դեղահաբ 850մգ №60

Կիրառում Սիոֆոր 850 դեղամիջոցը ցուցված է 2-րդ տիպի շաքարային դիաբետի դեպքում, հատկապես ավելորդ քաշ ունեցող հիվանդների մոտ, երբ դիետոթերապիան և ֆիզիկական ծանրաբեռնվածությունը անարդյունավետ են: Այն կարող է կիրառվել ինչպես մոնոթերապիայի, այնպես էլ այլ օրալ հիպոգլիկեմիկ դեղամիջոցների և ինսուլինի հետ համակցված: Ինչպես ընդունել Ստանդարտ սկզբնական դոզան կազմում է 500 մգ օրական մեկ անգամ կամ 850 մգ օրական մեկ անգամ: Դեղամիջոցի ընդունումը սկսելուց 10-15 օր հետո հնարավոր է դոզայի հետագա աստիճանական ավելացում՝ կողմնորոշվելով արյան գլյուկոզի մակարդակով: Դոզայի աստիճանական ավելացումը նպաստում է ստամոքս-աղիքային տրակտի կողմից անցանկալի ազդեցությունների նվազեցմանը: Առավելագույն դոզան երեխաների համար կազմում է 2000 մգ օրական՝ բաժանված 2-3 ընդունման: Ինսուլինի դոզան որոշվում է արյան գլյուկոզի մակարդակի հիման վրա: Այլ օրալ հակադիաբետիկ միջոցից անցնելիս պետք է դադարեցնել դրա ընդունումը և սկսել մետֆորմինի հիդրոքլորիդի ընդունումը նշված դոզայով: Գլիկեմիայի վերահսկողությունը բարելավելու համար մետֆորմինի հիդրոքլորիդը և ինսուլինը կարող են կիրառվել համակցված, ընդ որում մետֆորմինի հիդրոքլորիդը նշանակվում է ստանդարտ սկզբնական դոզայով՝ 850 մգ օրական 2 կամ 3 անգամ, իսկ ինսուլինի դոզան որոշվում է արյան գլյուկոզի պարունակության չափման հիման վրա: Հակացուցումներ Սիոֆոր 850-ը հակացուցված է հղիության և կրծքով կերակրման ընթացքում: Այն նաև հակացուցված է լյարդի և երիկամների ֆունկցիայի խանգարումների դեպքում: Զգուշությամբ է կիրառվում երեխաների և տարեց հիվանդների մոտ: Կրեատինինի քլիրենսը 30 մլ/րոպեից ցածր լինելու դեպքում դեղամիջոցի ընդունումը պետք է անմիջապես դադարեցվի: